HeydarAliyev – Gazete Asabi https://gazeteasabi.com Fri, 23 Jun 2023 14:03:35 +0000 tr hourly 1 https://gazeteasabi.com/wp-content/uploads/2025/03/cropped-gazete-asabi-32x32.webp HeydarAliyev – Gazete Asabi https://gazeteasabi.com 32 32 Milanda Heydər Əliyevin 100 illiyi münasibətilə “Sənətin hamisi” adlı sərgi təşkil edilib https://gazeteasabi.com/milanda-heyd%c9%99r-%c9%99liyevin-100-illiyi-munasib%c9%99til%c9%99-s%c9%99n%c9%99tin-hamisi-adli-s%c9%99rgi-t%c9%99skil-edilib-h46759.html Fri, 23 Jun 2023 14:03:35 +0000 https://1453kralmedya.com/milanda-heyd%c9%99r-%c9%99liyevin-100-illiyi-munasib%c9%99til%c9%99-s%c9%99n%c9%99tin-hamisi-adli-s%c9%99rgi-t%c9%99skil-edilib-h46759.html

Milanda Heydər Əliyevin 100 illiyi münasibətilə “Sənətin hamisi” adlı sərgi təşkil edilib
2023

 

 

 

Milanda Heydər Əliyevin 100 illiyi münasibətilə “Sənətin hamisi” adlı sərgi təşkil edilib

 

 

 

 

İtaliyanın Milan şəhərində müasir Azərbaycan dövlətinin qurucusu, xalqımızın ümummilli lideri Heydər Əliyevin anadan olmasının 100 illiyi münasibətilə “Sənətin hamisi” adlı sərgi nümayiş etdirilib.

 

 

 

 

Diasporla İş üzrə Dövlət Komitəsinin dəstəyi və Neapol-Bakı Assosiasiyasının təşkilatçılığı ilə baş tutan sərgi Vittorio Emmanuel Qalereyasında yerləşən qədim “Bokka” kitabxanasında gercəkləşdirilib.

 

 

 

 

Sərgidə görkəmli dövlət xadimi Heydər Əliyevin həyatını və siyasi fəaliyyətini əks etdirən fotoşəkillər və azərbaycanlı rəssam Elay Məmmədovun rəsm əsərləri təqdim olunub.

 

 

 

 

 

Tədbirdə çıxış edən Elay Məmmədov sərginin “Sənətin hamisi” adlandırılmasının təsadüfi olmadığına diqqəti cəlb edib. Bildirib ki, ölkəmizin zəngin mədəniyyətinin və incəsənətinin vurğunu olan Heydər Əliyev bütün siyasi fəaliyyəti dövründə istedadlı sənət adamlarını qorumağa, onların yolunda olan əngəlləri aradan qaldırmağa və dünyada tanınmalarına çalışıb. Bir çox Azərbaycan rəssamlarının, bəstəkarlarının və sənətçilərinin yaradıcılığının dəstəklənməsində müstəsna rol oynayıb.

 

 

 

 

 

Tədbir zamanı fransız əsilli pianoçu, La Skala Akademiyasının məzunu Selin Mişel fortepianoda klassik musiqi əsərlərini ifa edib.

 

 

 

 

Qeyd edək ki, Elay Məmmədov 1985-ci ildə Naxçıvan şəhərində anadan olub. Brera İncəsənət Akademiyasını bitirib. İtaliyada yaşayan rəssam bu ölkədəki müxtəlif rəsm qalereyalarında, fərdi və qrup sərgilərində öz əsərlərini təqdim edir. Onun gizli üslubda yağlı boya ilə çəkdiyi “Domesticated Red” və digər əsərləri italiyalı sənətsevərlərdə böyük maraq doğurur. Diasporla İş üzrə Dövlət Komitəsi istedadlı soydaşımızla bu istiqamətdə əməkdaşlıq edir.

FOTO QALEREYA

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/milanda-heyder-eliyevin-100-illiyi-munasibetile-senetin-hamisi-adli-sergi-teskil-edilib-3138

]]> Bişkekdə Heydər Əliyevin 100 illik yubileyi münasibətilə bayram şənliyi təşkil edilib https://gazeteasabi.com/biskekd%c9%99-heyd%c9%99r-%c9%99liyevin-100-illik-yubileyi-munasib%c9%99til%c9%99-bayram-s%c9%99nliyi-t%c9%99skil-edilib-h46330.html Sun, 11 Jun 2023 07:35:47 +0000 https://1453kralmedya.com/biskekd%c9%99-heyd%c9%99r-%c9%99liyevin-100-illik-yubileyi-munasib%c9%99til%c9%99-bayram-s%c9%99nliyi-t%c9%99skil-edilib-h46330.html

Bişkekdə Heydər Əliyevin 100 illik yubileyi münasibətilə bayram şənliyi təşkil edilib
9 iyun, 2023

 

 

 

Bişkekdə Heydər Əliyevin 100 illik yubileyi münasibətilə bayram şənliyi təşkil edilib
Bişkek şəhərindəki Qırğızıstan-Azərbaycan Dostluğu Parkında müasir Azərbaycan dövlətinin qurucusu, türk dünyasının qüdrətli liderlərindən biri olan Heydər Əliyevin anadan olmasının 100 illiyinə həsr olunmuş bayram şənliyi keçirilib.

 

 

 

 

Diasporla İş üzrə Dövlət Komitəsinin dəstəyi, “Mərkəzi Asiyada Mütərəqqi Azərbaycanlılar Birliyi”nin təşkilatçılığı ilə baş tutan tədbirdə yerli ictimaiyyətin nümayəndələri və Azərbaycan diasporunun fəalları iştirak ediblər.

 

 

 

 

Şənlik iştirakçılarını salamlayan birlik sədri Xansıvar Baxşəliyev xalqımızın ümummilli lideri Heydər Əliyevin ölkəmizin müstəqilliyinin bərqərar olmasında və möhkəmləndirilməsində misilsiz xidmətləri barədə məlumat verib. Qeyd edib ki, belə tədbirlər qardaş Azərbaycan və Qırğızıstan xalqlarını daha da yaxınlaşdırır.

Sonra rəngarəngliyi ilə fərqlənən proqram təqdim olunub: Heydər Əliyevin həyat və siyasi fəaliyyətini əks etdirən fotosərgi nümayiş etdirilib, Azərbaycan musiqisi səsləndirilib, milli adət-ənənələrə xas əyləncəli oyunlar təşkil olunub, ustad dərsləri keçirilib, ziyarətçilər milli mətbəx nümunələrinə qonaq edilib.

 

 

 

 

Qeyd edək ki, Bişkek şəhərində Qırğızıstan-Azərbaycan Dostluq Parkı 11 oktyabr 2022-ci ildə açılıb. Parkın açılışında Azərbaycan Prezidenti İlham Əliyev və Qırğızıstan Prezidenti Sadır Japarov iştirak ediblər.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/biskekde-heyder-eliyevin-100-illik-yubileyi-munasibetile-bayram-senliyi-teskil-edilib-3092

]]> Britaniyadakı icmamız baronessa Koksun cəzalandırılması tələbi ilə parlament komitəsinə müraciət edib https://gazeteasabi.com/britaniyadaki-icmamiz-baronessa-koksun-c%c9%99zalandirilmasi-t%c9%99l%c9%99bi-il%c9%99-parlament-komit%c9%99sin%c9%99-muraci%c9%99t-edib-h46313.html Sat, 10 Jun 2023 15:38:50 +0000 https://1453kralmedya.com/britaniyadaki-icmamiz-baronessa-koksun-c%c9%99zalandirilmasi-t%c9%99l%c9%99bi-il%c9%99-parlament-komit%c9%99sin%c9%99-muraci%c9%99t-edib-h46313.html

Britaniyadakı icmamız baronessa Koksun cəzalandırılması tələbi ilə parlament komitəsinə müraciət edib

, 2023

Resim
Britaniyadakı icmamız baronessa Koksun cəzalandırılması tələbi ilə parlament komitəsinə müraciət edib
Böyük Britaniya və Şimali İrlandiya Birləşmiş Krallığında yaşayan Azərbaycan icması qızışdırıcı islamofob fikirlərinə görə Lordlar Palatasının üzvü Karolina Ann Koksun (baronessa Koks) cəzalandırılmasını tələb edir.

 

 

 

 

Britaniya Azərbaycan İcmasının sədri Fəridə Pənahovanın adından Britaniya Parlamentinin Standartlar üzrə Komitəsinin sədri Kristofer Con Brayanta ünvanlanmış müraciətdə baronessa Koksun tvitləri “Azərbaycanın Qarabağ regionunda nifrətin qəsdən alovlandırılması” kimi qiymətləndirilib və Azərbaycan icmasının sülh prosesinə mane olan bu tvitlərdən və xəbərlərdən dərin narahatlığı ifadə edilib: “Lordlar Palatası üzvünün sağçı siyasətçilərin diqqətini cəlb etmək üçün bu cür bölücü taktikalara əl atması, xüsusən də dindən sui-istifadəsi və islamofobiyanı təbliğ etməsi təəssüf doğurur”.

 

 

 

Lordlar Palatasının demokratik dəyərlərin qorunmasında və cəmiyyətdə harmoniyanın təşviqində əsas rol oynadığı, amma Baronessa Koksun təhrik və ayrı-seçkilik çalarları ilə dolu mətnaltı tvitlərinin bu prinsiplərə uyğun gəlmədiyi nəzərə çatdırılıb. “Söz azadlığı, şübhəsiz ki, qorunmalı fundamental hüquqdur, lakin ondan nifrət, dözümsüzlük və ya islamofobiyanı qızışdırmaq üçün qalxan kimi istifadə etmək olmaz. Lordlar Palatası mötəbər institut kimi öz üzvlərinin söz azadlığı hüquqlarından qarşılıqlı anlaşma, əməkdaşlıq və dözümlülüyü təşviq edən tərzdə məsuliyyətlə istifadə etmələrini təmin etməlidir”, – deyə icma sədri xatırladıb.

 

 

 

 

Standartlar Komitəsinin belə davranışı aradan qaldırmaq üçün tədbirlər görməsinin zəruri olduğuna diqqəti cəb edən icma sədri bu tələbini “Lordlar Palatasının reputasiyasına kölgə salınması, onun ədalət və inklüzivlik prinsiplərinə sadiqliyinə xələl gətirilməsi” arqumentləri ilə əsaslandırıb: “Baronessa Koksun tvitlərinin ciddi nəticələrini nəzərə alaraq, Standartlar Komitəsindən bu məsələni hərtərəfli araşdırmasını rica edirəm. Onun hərəkətlərinin Lordlar Palatasının müəyyən etdiyi standartları və prinsipləri pozduğunu müəyyən etmək olduqca vacibdir. Üstəlik, mən komitəni baronessa Koksa töhmət vermək və onu qınamaq kimi müvafiq tədbirlər görməyə çağırıram. Bu, Lordlar Palatasında belə davranışın qəbuledilməz olduğuna dəqiq aydınlıq gətirə bilər”.

Lordlar Palatasında baronessa Koksun mövqeyini yada salan icma sədri vurğulayıb ki, o, hər iki icma üçün sülhməramlı tədbirlərin təşəbbüskarı və həyata keçirilməsində ön sıralarda olmaq əvəzinə, şüurlu olaraq qəsdən tam əksini – erməni və azərbaycanlı icmalarını münaqişədə saxlamaq üçün təxribat və daha da yadlaşdırma strategiyasını seçib və həyata keçirir.

 

 

 

 

İcma sədri hesab edir ki, Standartlar Komitəsi bu problemi həll etməklə, Lordlar Palatasına ictimai etimadın və inamın bərpasına kömək edə bilər: “Bundan əlavə, bu, komitənin etik standartları qorumaq və mötəbər qurumda demokratiya və inklüzivlik prinsiplərinə əməl olunmasını təmin etmək öhdəliyini nümayiş etdirəcək. İnanıram ki, Standartlar Komitəsi söylənilən narahatlığı aradan qaldırmaq üçün sürətli və qətiyyətli addımlar atacaq. Əvvəlki kimi ümidvaram ki, Sizin səyləriniz sayəsində Lordlar Palatası bundan sonra da ədalət və hamıya hörmət mayakı olmağa davam edəcək”.

 

 

 

 

Xatırladaq ki, 1982-ci ildən Lordlar Palatasının üzvü olan (Baronessa Koks) eyni zamanda ermənipərəst mövqe nümayiş etdirəm “Humanitarian Aid Relief Trust” (HART) adlı təşkilatın təsisçisidir. 20 aprel 2023-ci il tarixində istintaq Baronessa Koksu özəl firmada (Equal and Free Ltd) maraqlarını bəyan etmədiyi üçün təqsirli bilinib və davranış kodeksini pozmaqda ittiham edib (https://find-and-update.company-information.service.gov.uk/company/08143808). Standartlar üzrə Komitə bu fakt aşkar edildikdən sonra Baronessa Koksdan üzr istəməyi tələb edib.

 

 

 

 

Qeyd edək ki, baronessa Koks Azərbaycanın razılığı olmadan dəfələrlə Dağlıq Qarabağa səfərlər edib. Azərbaycan Respublikasının Xarici İşlər Nazirliyi “Dövlət sərhədləri haqqında” Azərbaycan Respublikasının Qanununu pozduğuna görə baronessa Koksun adını persona-non-qrata siyahısına salıb.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/britaniyadaki-icmamiz-baronessa-koksun-cezalandirilmasi-telebi-ile-parlament-komitesine-muraciet-edib-3093

]]> Azərbaycanlı alim dünya alimlərinin reytinqində yer alıb https://gazeteasabi.com/az%c9%99rbaycanli-alim-dunya-aliml%c9%99rinin-reytinqind%c9%99-yer-alib-h46311.html Sat, 10 Jun 2023 13:38:25 +0000 https://1453kralmedya.com/az%c9%99rbaycanli-alim-dunya-aliml%c9%99rinin-reytinqind%c9%99-yer-alib-h46311.html

Azərbaycanlı alim dünya alimlərinin reytinqində yer alıb

, 2023
Azərbaycanlı alim dünya alimlərinin reytinqində yer alıb

 

 

Səudiyyə Ərəbistanı Krallığında yaşayan azərbaycanlı alim-tədqiqatçı, Kral Abdullah Neft Araşdırmaları və Tədqiqat Mərkəzinin (KAPSARC) baş elmi işçisi Fəxri Həsənov 2022-ci il üzrə “Dünya alimlərinin TOP 2%”i reytinqində yer alıb.

 

 

 

 

ABŞ-ın Stanford Universiteti və məşhur elmi-tədqiqat bazalarından biri olan “Elsevier” ilə birlikdə tərtib olunan reytinq dünya üzrə 200 000-dən çox alimi əhatə edib. Bu qiymətləndirmə konkret il və alimin-tədqiqatçının bütün fəaliyyət dövrü üzrə aparılır. Fəxri Həsənov 2022-ci ildə əldə etdiyi nailiyyətlərə görə reytinqdə yer alıb.

 

 

 

 

Bu münasibətlə Kral Abdullah Neft Araşdırmaları və Tədqiqat Mərkəzinin toplantısında Fəxri Həsənova və digər nailiyyət qazanan ekspertlərə sertifikatlar təqdim edilib. Toplantıda Səudiyyə Ərəbistanı Krallığının energetika naziri və mərkəzin Qəyyumlar Şurasının sədri şahzadə Əbdül Əziz bin Salman əl-Səud və mərkəzin əməkdaşları iştirak ediblər.

 

 

 

 

Qeyd edək ki, Fəxri Həsənov 7 aprel 1979-cu ildə Azərbaycanın Laçın rayonunda anadan olub. Azərbaycan Dövlət İqtisad Universitetini və Corc Vaşinqton Universitetini bitirib. İqtisad elmləri üzrə fəlsəfə doktoru, 100-ə yaxın elmi məqalənin müəllifi, “Frontiers in Environmental Science” jurnalının redaktorlarından biridir. 2014-cü ildən Səudiyyə Ərəbistanının Ər-Riyad şəhərində yaşayır. “KAPSARC Global Energy Macroeconometric Model (KGEMM)”-in əsas qurucularından biridir və 2015-ci ildən etibarən bu model layihəsinə rəhbərlik edir.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/azerbaycanli-alim-dunya-alimlerinin-reytinqinde-yer-alib-3090

]]> Azərbaycanlı fotoqraf Fransa Senatında təşkil edilən tədbirə məruzəçi qismində qatılıb https://gazeteasabi.com/az%c9%99rbaycanli-fotoqraf-fransa-senatinda-t%c9%99skil-edil%c9%99n-t%c9%99dbir%c9%99-m%c9%99ruz%c9%99ci-qismind%c9%99-qatilib-h46309.html Sat, 10 Jun 2023 12:33:51 +0000 https://1453kralmedya.com/az%c9%99rbaycanli-fotoqraf-fransa-senatinda-t%c9%99skil-edil%c9%99n-t%c9%99dbir%c9%99-m%c9%99ruz%c9%99ci-qismind%c9%99-qatilib-h46309.html

Azərbaycanlı fotoqraf Fransa Senatında təşkil edilən tədbirə məruzəçi qismində qatılıb
9 iyun, 2023

 

 

Azərbaycanlı fotoqraf Fransa Senatında təşkil edilən tədbirə məruzəçi qismində qatılıb

Fransada yaşayan Azərbaycan əsilli tanınmış fotoqraf Reza Deqati Parisdəki Amerika Ali Məktəbinin (American Graduate School) buraxılış mərasimində əsas məruzəçi qismində çıxış edib.

 

 

 

 

Fransa Senatında keçirilmiş tədbirə dəvəti Reza Deqati özü üçün böyük şərəf adlandırıb. Qeyd edib ki, bu xüsusi gün ərzində tələbələr və məzunlara çoxlu sayda təbriklər ünvanlanıb: “Məzunların hamısına həyat boyu əhəmiyyətli nailiyyətlər əldə etməyi arzulayıram”.

 

 

 

 

Parisdəki Amerika Ali Məktəbi 1994-cü ildə yaradılıb. Beynəlxalq münasibətlər və diplomatiya, habelə münaqişələrin həlli, beynəlxalq hüquq və ətraf mühit məsələləri kimi sahələrdə ixtisaslaşmış qeyri-kommersiya ali təhsil müəssisəsidir.

 

 

 

 

Qeyd edək ki, Reza Deqati dünya azərbaycanlılarının tanınmış nümayəndələrindən biridir. Fotoqraf 30 ildən çoxdur Azərbaycan həqiqətlərini öz əsərləri ilə dünya ictimaiyyətinə çatdırır. Mədəniyyət paytaxtımız Şuşada keçirilmiş Dünya Azərbaycanlılarının V (Zəfər) Qurultayının iştirakçısı olub.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/azerbaycanli-fotoqraf-fransa-senatinda-teskil-edilen-tedbire-meruzeci-qisminde-qatilib-3089

]]> Azərbaycan təmsilçisi Kazanda “Dünya mirvarisi-2023” titulunu qazanıb https://gazeteasabi.com/az%c9%99rbaycan-t%c9%99msilcisi-kazanda-dunya-mirvarisi-2023-titulunu-qazanib-h46270.html Fri, 09 Jun 2023 12:08:54 +0000 https://1453kralmedya.com/az%c9%99rbaycan-t%c9%99msilcisi-kazanda-dunya-mirvarisi-2023-titulunu-qazanib-h46270.html

Azərbaycan təmsilçisi Kazanda “Dünya mirvarisi-2023” titulunu qazanıb
, 2023
Azərbaycan təmsilçisi Kazanda “Dünya mirvarisi-2023” titulunu qazanıb

 

 

 

Rusiya Federasiyası Tatarıstan Respublikasının Kazan şəhərində keçirilmiş “Dünya mirvarisi-2023” beynəlxalq gözəllik və istedad müsabiqəsinin qalibi Azərbaycanı təmsil edən Kamilə Ələsgərova olub.

 

 

 

 

“Səidaş” Mədəniyyət Mərkəzində baş tutan yarışın final mərhələsində 14 ölkənin (Azərbaycan, Qazaxıstan, Qırğızıstan, Özbəkistan, Türkmənistan, Tacikistan, Monteneqro, Monqolustan, Çin, İndoneziya, Rusiyanın Buryatiya Respublikası, Hindistan, Belarus, Ermənistan) təmsilçiləri yarışmaq hüququ qazanıblar.

 

 

 

Final iştirakçıları milli mətbəx təamı və onun hazırlanması haqqında videotəqdimatla çıxış edib, intellektual müsabiqəyə və dəfiləyə qatılıblar.

 

 

 

 

“Tatarıstan Respublikası Azərbaycan Milli-Mədəni Muxtariyyəti” regional ictimai təşkilatın gənclər qanadının sədri olan Kamilə Ələsgərova milli mətbəximizin “Şah-plov” təamının hazırlanmasından danışıb və Azərbaycanın “Şalaxo” milli rəqsini məharətlə ifa edib. Qeyd edək ki, rəqs nömrəsinin hazırlanmasında və nümayişində Kamiləyə “Ulduzlar bürcü” teatrının aktyorları və “QafqazStyle” rəqs ansamblı dəstək göstərib.

 

 

 

 

Müsabiqənin birincisi olan Kamilə Ələsgərova “Dünya mirvarisi-2023” tituluna layiq görülüb. Bundan başqa, səsvermənin nəticələrinə görə, soydaşımız “Miss artistizm” və “Miss tamaşaçı rəğbəti” adlarını da qazanıb.

 

 

 

 

Bu parlaq qələbə münasibətilə “Tatarıstan Respublikası Azərbaycan Milli-Mədəni Muxtariyyəti” regional ictimai təşkilatının idarə heyətinin sədri Bəhram Mustafayev və Azərbaycan icmasının üzvləri Kamilə Ələsgərovanı təbrik ediblər.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

Kaynak:https://diaspor.gov.az/az/news-detail/azerbaycan-temsilcisi-kazanda-dunya-mirvarisi-2023-titulunu-qazanib-3084

]]> Giresunda Heydər Əliyevin 100 illik yubileyi qeyd edilib https://gazeteasabi.com/giresunda-heyd%c9%99r-%c9%99liyevin-100-illik-yubileyi-qeyd-edilib-h46256.html Fri, 09 Jun 2023 06:40:08 +0000 https://1453kralmedya.com/giresunda-heyd%c9%99r-%c9%99liyevin-100-illik-yubileyi-qeyd-edilib-h46256.html

Giresunda Heydər Əliyevin 100 illik yubileyi qeyd edilib
, 2023

 

 

 

Giresunda Heydər Əliyevin 100 illik yubileyi qeyd edilib
Türkiyənin Giresun şəhərində müasir Azərbaycan dövlətinin qurucusu, türk dünyasının görkəmli dövlət xadimlərindən biri olan Heydər Əliyevin anadan olmasının 100 illiyi münasibətilə silsilə tədbirlər keçirilib.

 

 

 

Diasporla İş üzrə Dövlət Komitəsinin dəstəyi və Giresun Azərbaycanlılar Dərnəyinin təşkilatçılığı ilə baş tutan tədbirlərdə yerli hakimiyyət rəsmiləri, siyasi partiyaların və vətəndaş cəmiyyətinin nümayəndələri, Giresun Universitetinin müəllim-tələbə heyəti və soydaşlarımız iştirak ediblər.

Resim

Öncə Giresun şəhərinin mərkəzində “Heydər Əliyev Uşaq Parkı”nın rəsmi açılış mərasimi keçirilib.

Resim

Heydər Əliyevin əziz xatirəsinin bir dəqiqəlik sükutla yad edilməsindən sonra Azərbaycan və Türkiyənin Dövlət himnləri səsləndirilib.

Resim

Tədbir iştirakçılarını salamlayan Giresun Azərbaycanlılar Dərnəyinin sədri Elgün Məmmədov bu parkın açılışının Azərbaycan-Türkiyə qardaşlığının saysız-hesabsız nümunələrindən biri kimi tarixə düşəcəyini bildirib, parkın salınmasına görə Giresun bələdiyyə sədri Aytəkin Şənlikoğluna və əməyi keçənlərə minnətdarlığını ifadə edib. “Yüzüncü yubileyində mərhum liderimiz Heydər Əliyevin xatirəsini hörmət və rəhmətlə yad edirik”, – deyə dərnək sədri söyləyib.

 

 

 

 

Giresun valisinin müavini Ünal Koç şəhərdə Heydər Əliyevin adını daşıyacaq parkın salınmasının və 100 illik yubileyinin qeyd olunmasının yerli ictimaiyyət tərəfindən məmnunluqla qarşılandığını bildirib: “Buradakı qardaşlarımız özlərini öz vətənlərində imiş kimi hiss etsinlər. Hamımız qardaşıq, hamınızı sevgi və sayğı ilə salamlayıram”.

 

 

 

Mərasimdə çıxış edən Diasporla İş üzrə Dövlət Komitəsi sədrinin birinci müavini Valeh Hacıyev xatırladıb ki, bu il həm dahi şəxsiyyət Heydər Əliyevin, həm də Türkiyə Cumhuriyyətinin 100 illiyi kimi iki əlamətdar tarix qeyd edilir. “Heydər Əliyevin təbirincə desək, biz “bir millət iki dövlət” olaraq əbədiyyən yaşayacağıq, türkün gücünü, birliyini bütün dünyaya göstərəcəyik. Heydər Əliyevin adını daşıyan parkın yaradılmasında əməyi keçən hər kəsə təşəkkür edirəm. Belə addımlar Türkiyə, Azərbaycan və digər türk dövlətlərini bir-birinə daha da yaxınlaşdırır. Biz milli ənənələrimizi yaşatmalıyıq və yaşatmağa borcluyuq. Çünkü keçmişini yaşatmayan gələcəyini qura bilməz. Biz dahi şəxsiyyətlərimizi xatırlatmadan dahilər yetişdirə bilmərik”, – deyə Komitə sədrinin birinci müavini söyləyib.

 

 

 

Azərbaycan mahnıları ilə böyüdüklərini vurğulayan millət vəkili Nazım Elmas bildirib ki, Giresunda belə parkın olması rəmzidir: “Bütün Türkiyə Azərbaycan, bütün Azərbaycan Türkiyə deməkdir, biz buna inanırıq. Bu qardaşlığın davam etməsi və yeni dönəmdə, özəlliklə Türkiyə yüzilliyində Azərbaycan-Türkiyə dostluğunun daha da möhkəmləndirilməsi prosesi sürətlənəcək. Türk dünyasına uzanan böyük çinarın kölgəsində birlikdə olacağımız günlər önümüzdədir. Qardaşlığımızın Giresundan bütün Türkiyəyə və bütün Azərbaycana çatacağına inanırıq. Bu vəsilə ilə bu tədbiri düzənləyən Azərbaycan dərnəyi sədrinə təşəkkür edirəm”.

 

 

 

Heydər Əliyevə həsr olunmuş tədbir iki ölkənin Dövlət himnlərinin səsləndirilməsi ilə başlayıb.

Resim

Ardınca Diasporla İş üzrə Dövlət Komitəsinin böyük öndər Heydər Əliyevə həsr etdiyi sənədli film nümayiş etdirilib.

 

 

 

Tədbirdə çıxış edənlər ölkəmizin və türk dünyasının qüdrətli liderlərindən biri olan Heydər Əliyevin Azərbaycan xalqının tarixində və taleyində oynadığı mühüm roldan danışıblar, türk dövlətləri arasında iqtisadi, sosial, ictimai-siyasi, ədəbi-mədəni əlaqələrin genişləndirilməsi, intensivləşdirilməsi istiqamətindəki xidmətlərinə nəzər salıblar.

Sonra azərbaycanlı sənətçi Aygün Akbabanın ifasında konsert proqramı təqdim olunub.

 

 

 

Tədbir çərçivəsində Heydər Əliyevin həyat və siyasi fəaliyyətini əks etdirən fotosərgi nümayiş etdirilib.

FOTO QALEREYA

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/giresunda-heyder-eliyevin-100-illik-yubileyi-qeyd-edilib-3081

]]> İstanbulda Heydər Əliyevin 100 illik yubileyi qeyd olunub https://gazeteasabi.com/istanbulda-heyd%c9%99r-%c9%99liyevin-100-illik-yubileyi-qeyd-olunub-h46131.html Mon, 05 Jun 2023 11:48:36 +0000 https://1453kralmedya.com/istanbulda-heyd%c9%99r-%c9%99liyevin-100-illik-yubileyi-qeyd-olunub-h46131.html

İstanbulda Heydər Əliyevin 100 illik yubileyi qeyd olunub
5 iyun, 2023

Resim
İstanbulda Heydər Əliyevin 100 illik yubileyi qeyd olunub

Türkiyənin İstanbul şəhərində müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyinə həsr olunmuş “Xalqın adamı” adlı tədbir keçirilib.

Resim

Diasporla İş üzrə Dövlət Komitəsinin dəstəyi, Türkiyə-Azərbaycan Dərnəklər Federasiyası və İnsan Haqları, Təhsil, Kültür və Həmrəylik Dərnəyinin birgə təşkilatçılığı ilə baş tutan tədbirdə siyasi partiyaların, vətəndaş cəmiyyətinin nümayəndələri və soydaşlarımız iştirak ediblər.

Resim

Heydər Əliyevin və iki dövlətin azadlığı uğrunda canlarından keçmiş şəhidlərimizin xatirəsi bir dəqiqəlik sükutla yad edilib. Ardınca Türkiyə və Azərbaycanın Dövlət himnləri səsləndirilib.

Resim

Türkiyə-Azərbaycan Dərnəklər Federasiyasının sədri Ədalət Turanın qonaqları salamlamasından sonra Dövlət Komitəsinin hazırladığı “Heydər Əliyev və Azərbaycan diasporu” adlı sənədli film nümayiş etdirilib.

 

 

 

 

Komitə sədrinin birinci müavini Valeh Hacıyev çıxışında ölkəmizin və türk dünyasının qüdrətli liderlərindən biri olan Heydər Əliyevin həyat və fəaliyyəti barədə danışıb. Dahi şəxsiyyətin “bir millət, iki dövlət” adlandırdığı Türkiyə-Azərbaycan dostluq və qardaşlığından söz açıb. Qardaş ölkədə prezident seçkilərinin ikinci turunun xalqımıza çox əziz olan tarixi günə, 28 May – Müstəqillik Gününə təsadüf etdiyini xatırladıb. Seçkinin nəticəsinin Türkiyədə olduğu kimi, Azərbaycanda da böyük sevinc və coşğu ilə qarşılandığını, dövlətlərimiz arasında siyasi və iqtisadi birliyin daha da güclənəcəyinə əmin olduğunu vurğulayıb.

İnsan Haqları, Təhsil, Kültür və Həmrəylik Dərnəyinin sədri Məhşəti Şərif Özyürek kütləvi informasiya vasitələrinə həssas münasibəti ilə fərqlənən, jurnalistlərin əməyini daim yüksək qiymətləndirən, sağlığında “Jurnalistlərin dostu” mükafatını qazanmış Heydər Əliyevlə bağlı xatirələrini bölüşüb.

Tədbirdə çıxış edən Vətən Partiyasının sədri Dr. Doğu Perinçek, Ədalət və İnkişaf Partiyasının üzvü, 2011-2018-ci illərdə Türkiyə Böyük Millət Məclisinin üzvü Metin Külünk yeni dünya düzənində ölkələrimizin yerindən və rolundan danışıblar, Türkiyə Cümhuriyyətinin qurucusu Müstafa Kamal Atatürkün və Heydər Əliyevin mübarizə həyatının bənzərliyinə diqqəti cəlb ediblər.

“Türk dünyasının yeni dünya düzənində önəmli amil olacağına inanırıq. Cünki Heydər Əliyevin liderliyi və dövlət siyasətindəki uğurları sayəsində Can Azərbaycan qəhrəman ordusu ilə bərabər türk dünyasına örnəkdir”, – deyə Doğu Perincek söyləyib.

 

 

 

“Türkün var olduğu yerdə ədalətsizlik olmaz”, – deyə Metin Külünk ölkələrimizin birlikdə yeni dünya düzəninə yön verməsinin bütün bəşəriyyət üçün önəmli olduğunu vurğulayıb.

Eskişəhər Azərbaycanlılar Dərnəyinin üzvü, “Üç cizgi” jurnalının əməkdaşı Gülgün Abbasbəyli “Dayanıqlı liderlik çərçivəsində Heydər Əliyevin Azərbaycan gəncləri siyasəti” mövzusunda təqdimatla çıxış edib.

Tədbir müğənni Elgün Quliyevin ifasında Heydər Əliyevin sevdiyi Azərbaycan mahnılarından ibarət konsert proqramı ilə yekunlaşıb.

Tədbir çərçivəsində Heydər Əliyevin həyat və fəaliyyətinə həsr olunmuş fotosərgi nümayiş etdirilib.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/istanbulda-heyder-eliyevin-100-illik-yubileyi-qeyd-olunub-3054

 

 

]]> Varşavada Heydər Əliyevin 100 illiyi, Müstəqillik Günü və Silahlı Qüvvələr Günü təntənə ilə qeyd olunub https://gazeteasabi.com/varsavada-heyd%c9%99r-%c9%99liyevin-100-illiyi-must%c9%99qillik-gunu-v%c9%99-silahli-quvv%c9%99l%c9%99r-gunu-t%c9%99nt%c9%99n%c9%99-il%c9%99-qeyd-olunub-h45898.html Tue, 30 May 2023 08:33:54 +0000 https://1453kralmedya.com/varsavada-heyd%c9%99r-%c9%99liyevin-100-illiyi-must%c9%99qillik-gunu-v%c9%99-silahli-quvv%c9%99l%c9%99r-gunu-t%c9%99nt%c9%99n%c9%99-il%c9%99-qeyd-olunub-h45898.html

 

 

 

Varşavada Heydər Əliyevin 100 illiyi, Müstəqillik Günü və Silahlı Qüvvələr Günü təntənə ilə qeyd olunub

, 2023
Varşavada Heydər Əliyevin 100 illiyi, Müstəqillik Günü və Silahlı Qüvvələr Günü təntənə ilə qeyd olunub

Varşava Milli Filarmoniyasında müasir Azərbaycan dövlətinin qurucusu Heydər Əliyevin 100 illiyi, ölkəmizin Müstəqillik Günü və Azərbaycan Silahlı Qüvvələrinin yaradılmasının 105 illiyi münasibətilə təntənəli rəsmi qəbul keçirilib.

Tədbir Heydər Əliyev Fondunun, Diasporla İş üzrə Dövlət Komitəsinin, Azərbaycanın UNESCO üzrə Milli Komissiyasının dəstəyi və Azərbaycanın Polşadakı səfirliyinin təşkulatçılığı ilə baş tutub.

Qəbulda Polşa hökumətinin, Seyminin, Senatının, müxtəlif dövlət qurumlarının təmsilçiləri, Avropa Parlamentinin üzvləri, Diasporla İş üzrə Dövlət Komitəsinin əməkdaşları, diplomatik korpusun, yerli ictimaiyyətin, dini konfessiyaların, Azərbaycan diasporunun nümayəndələri, Polşa vətəndaşı olan həmvətənlərimiz və azərbaycanlı tələbələr iştirak ediblər.

Öncə “Junior Eurovision–2021” mahnı müsabiqəsinin iştirakçısı Sona Əzizovanın ifasında Azərbaycanın və Polşanın Dövlət himnləri səsləndirilib.

Tədbiri giriş sözü ilə açan ölkəmizin Polşadakı səfiri Nərgiz Qurbanova Azərbaycanın Müstəqillik Gününün tarixi barədə məlumat verib, müsəlman və Türk dünyasında ilk dünyəvi və parlamentar respublikanın – Azərbaycan Xalq Cümhuriyyətinin (AXC) fəaliyyətindən və əldə etdiyi nailiyyətlərdən danışıb. Nəzərə çatdırıb ki, AXC-nin hökumət strukturlarında, parlamentdə, məhkəmə-hüquq sistemində polyak əsilli vətəndaşlarımız da təmsil olunub. General-leytenant Masey (Məmməd bəy) Sulkeviç Azərbaycan Ordusunun Baş Qərargah rəisi, publisist və tarixçi Leon Kriçinski Nazirlər Şurası Dəftərxanasının rəisi, onun qardaşı Olqerd Kriçinski isə ədliyyə nazirinin müavini vəzifəsində çalışıb və onlar ümumi vətənimiz Azərbaycanın müdafiəsi üçün səylərini əsirgəməyib. Polşanın AXC-ni tanıyan 23 dövlətdən biri olduğu, bu ölkənin rəsmilərinin hər zaman respublikamızın beynəlxalq aləmdə tanınmasını dəstəklədiyi vurğulanıb.

 

 

 

 

 

Qeyd edilib ki, 1991-ci ildə müstəqilliyini bərpa edən Azərbaycan Respublikası AXC-nin hüquqi varisidir. Məhs ümummilli lider Heydər Əliyevin 1993-cü ildə hakimiyyətə qayıdışı və müəyyənləşdirdiyi siyasi kurs Azərbaycanın xaos və anarxiyadan çıxarılması, inkişafa doğru aparılması ilə nəticələnib, ölkəmizin dünya siyasi sistemində layiqli mövqe tutmasını təmin etdi, gələcəkdə regionda söz sahibi olmasına zəmin yaradıb. Ümummilli liderin şah əsəri olan güclü Azəbaycanın öz suverenliyini, müstəqilliyini qorumağa qadir olduğunu 44 günlük Vətən müharibəsində şanlı Zəfər qazanmaqla sübuta yetirdiyi bildirilib.

Fəxri qonaq qismində çıxış edən Polşanın xarici işlər nazirinin müavini Arkadiuş Mularçık nazir Zbiqnev Raunun xalqımıza təbriklərini çatdırıb. Nazir müavini xatırladıb ki, Polşa hələ 1919-cu ildə dünyada ilk dövlətlərdən biri olaraq AXC-nin müstəqilliyini tanıyıb, polyaklar isə Azərbaycanın dövlət quruculuğuna, ölkəmizin iqtisadi inkişafına mühüm töhfələr veriblər.

Sonra təqdim olunan konsert proqramında Azərbaycanın xalq artisti, xanəndə Mənsum İbrahimovun rəhbərliyi, xalq artisti Elçin Həşimov, əməkdar artistlər Elnur Əhmədov və Kamran Kərimovun iştirakı ilə “Qarabağ” muğam qrupu və müğənni Çinarə Məlikzadə çıxış ediblər. Azərbaycan sənətçilərinin ifası qonaqların böyük rəğbətini qazanıb.

Tədbir çərçivəsində Heydər Əliyev Fondunun ümummilli liderin 100 illik yubileyi münasibətilə hazırladığı və görkəmli siyasi xadimin irsini əks etdirən fotosərgi nümayiş etdirilib.

Rəsmi qəbul ziyafətlə davam edib.

FOTO QALEREYA

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/varsavada-heyder-eliyevin-100-illiyi-musteqillik-gunu-ve-silahli-quvveler-gunu-tentene-ile-qeyd-olunub-3004

 

 

 

]]> Daşkənddə Heydər Əliyevin 100 illiyi münasibətilə təntənəli konsert keçirilib https://gazeteasabi.com/dask%c9%99ndd%c9%99-heyd%c9%99r-%c9%99liyevin-100-illiyi-munasib%c9%99til%c9%99-t%c9%99nt%c9%99n%c9%99li-konsert-kecirilib-h45792.html Sun, 28 May 2023 08:23:27 +0000 https://1453kralmedya.com/dask%c9%99ndd%c9%99-heyd%c9%99r-%c9%99liyevin-100-illiyi-munasib%c9%99til%c9%99-t%c9%99nt%c9%99n%c9%99li-konsert-kecirilib-h45792.html

 

 

Daşkənddə Heydər Əliyevin 100 illiyi münasibətilə təntənəli konsert keçirilib

, 2023
Daşkənddə Heydər Əliyevin 100 illiyi münasibətilə təntənəli konsert keçirilib

Daşkənd şəhərindəki Əlişir Nəvai adına Dövlət Akademik Böyük Teatrında müasir Azərbaycan dövlətinin qurucusu, ulu öndər Heydər Əliyevin anadan olmasının 100 illik yubileyinə həsr olunmuş təntənəli konsert keçirilib.

Diasporla İş üzrə Dövlət Komitəsinin və Özbəkistan Respublikasının Mədəniyyət və Turizm Nazirliyi nəzdində Millətlərarası münasibətlər və xarici ölkələrlə dostluq əlaqələri Komitəsinin birgə təşkilatçılığı ilə baş tutan tədbirdə Azərbaycan və Özbəkistanın rəsmi şəxsləri, bu ölkədə akkreditə olunmuş diplomatik nümayəndəliklərin rəhbərləri, yerli ictimaiyyətin, müxtəlif milli azlıqların və icmamızın nümayəndələri iştirak ediblər.

Konsert öncəsi çıxış edən Diasporla İş üzrə Dövlət Komitəsinin sədri Fuad Muradov, Millətlərarası münasibətlər və xarici ölkələrlə dostluq əlaqələri Komitəsinin sədri Rustambek Qurbanov, Özbəkistanda Respublika Azərbaycan Milli Mədəniyyət Mərkəzinin İdarə Heyətinin sədri Mobil Məmmədov tədbir iştirakçılarını xalqımızın ümummilli lideri, müasir müstəqil Azərbaycan dövlətinin memarı və qurucusu Heydər Əliyevin 100 illik yubileyinə həsr edilmiş tədbir münasibətilə təbrik ediblər.

Dövlət Komitəsinin sədri Azərbaycan xalqının böyük oğlu Heydər Əliyevin şanlı həyatını, zəngin fəaliyyətini və qurtuluş missiyasını hər bir azərbaycanlı üçün örnək adlandırıb. Ulu öndərin müstəqilliyin ilk illərində ölkədə davam edən siyasi hərc-mərcliyin öhdəsindən gəlməklə yanaşı, həm də dövlətimizin dünya birliyində özünəməxsus layiqli yer tutmasına nail olduğunu, xaricdə yaşayan soydaşlarımızı azərbaycançılıq ideyası ətrafında birləşdirdiyini, diasporumuzun təşəkkülündə müstəsna rol oynadığını, qardaş Özbəkistanla münasibətlərə həmişə xüsusi önəm verdiyini vurğulayıb.

O, çıxışında Özbəkistana səfər üçün dəvətə, dostluq və birgə əməkdaşlığa görə həmkarı Millətlərarası münasibətlər və xarici ölkələrlə dostluq əlaqələri Komitəsinin sədri Rustambek Qurbanova təşəkkür edib. “2019-cu ildə Azərbaycanda səfərdə olarkən Azərbaycan Prezidenti İlham Əliyevlə görüşündə Özbəkistan Prezidenti Şavkat Mirziyoyev Azərbaycan xalqının böyük oğlu Heydər Əliyevlə həmişə fəxr etdiyini vurğulayıb. Prezident Mirziyoyev qeyd edib ki, Özbəkistanda insanlar Heydər Əliyevin xatirəsini həmişə xatırlayır və ehtiramla yad edirlər, çünki o, həqiqətən də böyük şəxsiyyət idi. Azərbaycan və Özbəkistan dövlət başçıları İlham Əliyevin və Şavkat Mirziyoyevin görüşləri əminlik yaradır ki, Azərbaycan və Özbəkistan dövlətləri, xalqları və diasporları arasında dostluq münasibətləri bundan sonra da möhkəmlənəcək və artan dinamikanı davam etdirəcək”, – deyə Komitə sədri söyləyib.

Sonra Azərbaycan və Özbəkistan sənətçilərinin ifasında konsert proqramı təqdim edilib. Azərbaycan və Özbəkistanın xalq artisti Gülyanaq Məmmədova, Azərbaycanın xalq artisti Teyyub Aslanov, müğənni Kamilə Nəbiyeva, Özbəkistanın xalq artistləri Nəsibə Abdullayeva, Ramiz Usmanov və başqalarının ifasında xalq və bəstəkar mahnıları səsləndirilib.

 

 

 

Tədbir çərçivəsində “Özbəkistan – millətlərarası dostluq, sülh və qardaşlıq diyarı” şüarı altında müxtəlif millətlərin nümayəndələrinin incəsənət və sənətkarlıq nümunələrinin, kitabların və milli geyimlərinin sərgisi nümayiş etdirilib.

Qeyd edək ki, “Heydər Əliyev İli” çərçivəsində Diasporla İş üzrə Dövlət Komitəsinin dəstəyi ilə dünyanın bir sıra ölkələrində ulu öndərin 100 illik yubileyinə həsr olunmuş konsert proqramları təşkil olunur.

FOTO QALEREYA

 

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/daskendde-heyder-eliyevin-100-illiyi-munasibetile-tenteneli-konsert-kecirilib-3010

 

 

]]>