Azərbaycan musiqisi Or-Akiva şəhərinin parklarında canlı ifa ediləcək

, 2023

Azərbaycan musiqisi Or-Akiva şəhərinin parklarında canlı ifa ediləcək

İsrailin Or-Akiva şəhərində fəaliyyət göstərən və Azərbaycan musiqisini dost ölkədə təbliğ edən “Sevgi” instrumental ansamblı “Həyətinizdə canlı musiqi” layihəsinə start verir.

11 iyul və 16 iyul tarixlərində axşam saat 18.00-da baş tutacaq konsertlər üçün şəhərin Şizar və Orot rayonlarının parkları musiqi meydanı kimi seçilib. Layihənin başlıca məqsədi dağ yəhudilərinin və Azərbaycanın musiqi irsini İsraildə və onun hüdudlarından kənarda qoruyub saxlamaq və təbliğ etməkdir.

Qeyd edək ki, “Sevgi” instrumental ansamblı Mark Aqarunovun direktoru olduğu “Sevgi” musiqi mərkəzinin nəzdində fəaliyyət göstərir. Ansamblın bədii rəhbəri, kamança ifaçısı Salman Rabayevdir. Ansamla Yakov Semenduyev (klaviş), Gennadi Binayev (gitara), Rüstəm Yunayev (nağara) kimi peşəkar musiqiçilər daxildir.

“Azİz” İsrail-Azərbaycan Beynəlxalq Assosiasiyasının üzvü olan Salman Rabayev 1950-ci il oktyabrın 22-də Bakıda anadan olub. Azərbaycan Neft və Kimya İnstitutunun İqtisadiyyat fakültəsini bitirib. 1990-cı ildən İsraildə yaşayır. Bakını çox sevən musiqiçi şeir və mahnılarını doğma şəhərimizə həsr edir, Azərbaycanı daim dəstəkləyir. Onun repertuarında “Qarabağ”, “Şur” muğamı, “Ana Kür” mahnısı və sair əsərlər var.

Azərbaycan musiqisini və həqiqətlərini İsraildə fəal şəkildə təbliğ etdiyinə görə Azərbaycan Respublikasının “Diaspor fəaliyyətində xidmətə görə” medalı ilə təltif edilib.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/azerbaycan-musiqisi-or-akiva-seherinin-parklarinda-canli-ifa-edilecek-3195

İsrailin Or-Akiva və Afula şəhərlərində Novruz bayramına həsr olunmuş tədbir keçirilib
, 2023
İsrailin Or-Akiva və Afula şəhərlərində Novruz bayramına həsr olunmuş tədbir keçirilib

İsrailin Or-Akiva şəhərində fəaliyyət göstərən Azərbaycan diasporunun Novruz bayramına həsr olunmuş tədbiri keçirilib.

Bayram tədbiri “Sevgi” Beynəlxalq Mərkəzinin, “Azİz” İsrail-Azərbaycan Beynəlxalq Assosiasiyasının, STMEQİ Fondunun və “Sevgi” instrumental ansamblının birgə təşəbbüsü ilə baş tutub. Tədbirdə “Azİz” İsrail-Azərbaycan Beynəlxalq Assosiasiyasının üzvləri, şəhər meriyasının və yerli ictimaiyyətin nümayəndələri iştirak ediblər.

Tədbirdə çıxış edən “Azİz” İsrail-Azərbaycan Beynəlxalq Assosiasiyasının prezidenti Lev Spivak və “Sevgi” instrumental ansamblının bədii rəhbəri Salman Rabaev soydaşlarımızı və Azərbaycan xalqını bayram münasibətilə təbrik edib, xoş arzularını bildiriblər. Parlaq və tarixi Zəfərimizdən sonra Novruz bayramının Azərbaycanda könül rahatlığı ilə keçirildiyini və vətənimizin bütün guşələrində, o cümlədən işğaldan azad edilmiş doğma Qarabağda da qeyd edildiyini nəzərə çatdırıblar.

Tədbir Azərbaycan bəstəkarlarının mahnılarından və əsərlərindən ibarət bayram konserti ilə davam edib. Hazırda İsraildə yaşayan azərbaycanlı müğənni Yaqub Məmmədovun ifasında məşhur “Xudayar təsnifi” (“Vətən yaxşıdır”) mahnısı qonaqların gur alqışları ilə qarşılanıb.

Tədbir iştirakçıları Novruz şirniyyatlarına qonaq edilib.

İsrailin Afula şəhərində yaşayan Azərbaycan diasporu da Novruz bayramına həsr olunmuş tədbir keçirib. “Azİz” İsrail-Azərbaycan Beynəlxalq Assosiasiyasının nəzdindəki Azərbaycan Mədəniyyət Mərkəzinin təşkilatçılığı ilə baş tutan tədbirdə soydaşlarımız və yerli ictimaiyyətin nümayəndələri iştirak ediblər.

Tədbir iştirakçılarını milli geyimdə salamlayan Azərbaycan Mədəniyyət Mərkəzinin direktoru Yeganə Salman soydaşlarımızı və xalqımızı bayram münasibətilə təbrik edib, xoş arzularını çatdırıb. Qonaqlara baharın müjdəçisi, barış, xeyirxahlıq, mərhəmət rəmzi olan Novruz bayramı və adət-ənənələri barədə ətraflı məlumat verilib, bayramın Azərbaycanda və bütün dünyada geniş şəkildə qeyd olunduğu, İsraildə də ənənə halını aldığı vurğulanıb.

Azərbaycan musiqisinin və şeirlərinin səsləndirildiyi tədbirdə iştirakçılar Novruz şirniyyatlarına qonaq edilib.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/israilin-or-akiva-ve-afula-seherlerinde-novruz-bayramina-hesr-olunmus-tedbir-kecirilib-2651

Or-Akiva – Gazete Asabi

Azərbaycan musiqisi Or-Akiva şəhərinin parklarında canlı ifa ediləcək

İsrailin Or-Akiva və Afula şəhərlərində Novruz bayramına həsr olunmuş tədbir keçirilib