/ .2023

O‘zbekiston va Polsha tashqi ishlar vazirliklari o‘rtasidagi siyosiy maslahatlashuvlar bo‘lib o‘tdi

Toshkent shahrida O‘zbekiston va Polsha tashqi ishlar vazirliklari o‘rtasida siyosiy maslahatlashuvlarning navbatdagi davrasi bo‘lib o‘tdi.

Tadbir davomida O‘zbekiston-Polsha hamkorligining ustuvor yo‘nalishlari va xalqaro kun tartibining dolzarb masalalari yuzasidan fikr almashildi.

Siyosiy muloqotni, xususan, tashqi siyosat idoralari oʻrtasidagi hamkorlikni kengaytirish, parlamentlararo aloqalarni mustahkamlash orqali yanada rivojlantirish masalalari muhokama qilindi.

Iqtisodiy diplomatiyani faol rivojlantirishga alohida e’tibor qaratilmoqda. Shu nuqtayi nazardan, Polshaning yetakchi kompaniyalari ishtirokida qo‘shma investitsiya loyihalarini amalga oshirish, ishbilarmon doiralar o‘rtasida to‘g‘ridan-to‘g‘ri aloqalarni o‘rnatish, mintaqalararo hamkorlikni rivojlantirishga ikki tomon ham tayyorligi tasdiqlandi. Kimyo, to‘qimachilik sanoati hamda qishloq xo‘jaligiga oid investitsiya salohiyati va istiqbolli loyihalari takliflari taqdimoti ham bo‘lib o‘tdi.

Madaniy-gumanitar sohadagi hamkorlikni kengaytirish, xususan, ikki mamlakat ilmiy va taʼlim muassasalari oʻrtasida aloqalarni yoʻlga qoʻyish boʻyicha takliflar koʻrib chiqildi.

Xalqaro tashkilotlar doirasidagi hamkorlikni chuqurlashtirishdan o‘zaro manfaatdorlik bildirildi.

Shuningdek, tomonlar turizm sohasida sheriklikni rivojlantirish, ikki tomonlama munosabatlarning shartnomaviy-huquqiy bazasini takomillashtirish, mehnat migratsiyasi sohasidagi aloqalarni kengaytirish masalalarini ham muhokama qildilar.

https://mfa.uz/34680
Ko’chirib olish

kaynak:https://mfa.uz/uz/press/news/2023/ozbekiston-va-polsha-tashqi-ishlar-vazirliklari-ortasidagi-siyosiy-maslahatlashuvlar-bolib-otdi—34680

2023
43

O‘zbekiston-Hindiston TIVlararo siyosiy maslahatlashuvlari to‘g‘risida

2023-yil 7-avgust kuni Toshkent shahrida O‘zbekiston Respublikasi va Hindiston Respublikasi Tashqi ishlar vazirliklari o‘rtasida siyosiy maslahatlashuvlarning navbatdagi davrasi bo‘lib o‘tdi.

Tomonlar delegatsiyalariga O‘zbekiston tashqi ishlar vaziri o‘rinbosari Bahromjon Aloyev va Hindiston tashqi ishlar vaziri o‘rinbosari Sanjay Verma rahbarlik qildi.

Muloqot chog’ida O‘zbekiston-Hindiston kun tartibidagi keng ko‘lamli masalalar, oliy darajada erishilgan kelishuvlarni amalga oshirish, hamkorlikning shartnomaviy-huquqiy bazasini kengaytirish istiqbollari yuzasidan konstruktiv fikr almashildi.

Iqtisodiy diplomatiyani rivojlantirish, o‘zaro tovar ayirboshlash hajmini oshirish, qo‘shma investitsiyaviy loyihalarni, jumladan, sanoat kooperatsiyasini amalga oshirish bo‘yicha takliflarga alohida e’tibor qaratildi.

Ikki mamlakat parlamentlari, hukumatlari va mintaqalari oʻrtasidagi boʻlajak muloqotlar jadvali koʻrib chiqildi.

Delegatsiyalar xalqaro va mintaqaviy siyosatning dolzarb masalalarini, shuningdek, ko‘p tomonlama tuzilmalar doirasidagi O‘zbekiston-Hindiston aloqalarini muhokama qildilar.

https://mfa.uz/34332
Ko’chirib olish

kaynak:https://mfa.uz/uz/press/news/2023/ozbekiston-hindiston-tivlararo-siyosiy-maslahatlashuvlari-togrisida—34332

siyosiy – Gazete Asabi

O‘zbekiston va Polsha tashqi ishlar vazirliklari o‘rtasidagi siyosiy maslahatlashuvlar bo‘lib o‘tdi

O‘zbekiston-Hindiston TIVlararo siyosiy maslahatlashuvlari to‘g‘risida