Мулоқот бо Президенти Ҷумҳурии Узбекистон Шавкат Мирзиёев
31.03.2025
31 март дар шаҳри Хуҷанд мулоқоти Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Ҷумҳурии Узбекистон муҳтарам Шавкат Мирзиёев баргузор гардид.
Президенти кишвари мо муҳтарам Эмомалӣ Раҳмон меҳмони воломақомро хайрамақдам гуфта, бо ҷашни байналмилалии Наврӯз табрик намуданд ва аз рушди босуръати муносибатҳои ду давлат дар ҳамаи соҳаҳои ҳамкорӣ изҳори қаноатмандӣ карданд. Густариши фаъолонаи робитаҳои тиҷоратию иқтисодӣ ва фарҳангию гуманитарӣ махсус зикр гардид.
Зимни суҳбат Сарони давлатҳо аҳамияти имзои Аҳдномаи таърихӣ дар бораи муносибатҳои ҳампаймониро таъкид намуда, онро боз як далели равшани дӯстии қавӣ ва дастгирии ҳамдигарии ду давлат номиданд.
Ҳарду роҳбар омодагии худро барои минбаъд низ дар ин руҳия муттасил рушд додани муносибатҳои байнидавлатӣ таъкид намуданд.
Зимни суҳбати судманд ба рушди ҳамкории тиҷоратию иқтисодӣ таваҷҷуҳи хосса зоҳир карда шуд.
Ҷонибҳо ҷараёни устувори афзоиши гардиши савдои дуҷонибаро, ки далели иқтидори назарраси мавҷудаи ду кишвар барои афзоиши минбаъдаи он мебошад, зикр карданд.
Афзоиши сармоягузории дуҷониба нишондиҳандаи муҳими густариши ҳамкории иқтисодӣ номида шуд.
Дар ин замина, ба мақсад мувофиқ будани татбиқи лоиҳаҳои муштараки сармоягузорӣ, аз ҷумла дар соҳаҳои саноат, энергетика, кишоварзӣ ва нақлиёт зикр карда шуд.
Сарони ду давлат ба густариши ҳамкории фарҳангиву гуманитарӣ таваҷҷуҳи хосса зоҳир карда, аҳамияти баргузории конфронсҳои илмӣ-амалӣ, форумҳо, фестивалҳо, симпозиумҳо ва мулоқотҳои зиёиёни эҷодкор ва илмиро таъкид намуданд.
Инчунин, оид ба баъзе масъалаҳои вобаста ба амният, мушкилоти минтақавӣ ва байналмилалӣ табодули афкор анҷом дода шуд.
Kaynak:https://www.president.tj/event/news/50316
Son Güncelleme: 01 Nisan 2025 | Etiketler: бо, Бӯстон, Мирзиёев, Мулоқот, Мулоқот бо Президенти Ҷумҳурии Узбекистон Шавкат Мирзиёев, Президенти, Тоҷикистон, Ӯзбекистон, Ҷумҳурии, Шавкат, шаҳри, шаҳри Бӯстон, Эмомалӣ Раҳмон
Birleşik Rusya milletvekillerinin desteğiyle Sivastopol’da aile değerleri temalı bir fotoğraf sergisi açıldı
Kazan’da, “Güçlülerin Seçimi” partisinin “Operezhenie” projesi kapsamında gençler için bir bayrak yarışı düzenlendi
FK YAPI İNŞAAT YÖNETİM KURULU BAŞKANI FARUK KARADAĞ `DAN 1 TEMMUZ BİRECİK `İN KURTULUŞU MESAJI
Rusya’nın Gücü destekçilerinin maratonu Oryol bölgesinde devam ediyor
Çocuk Sporları partisi projesinin desteğiyle, Veliky Ustyug’da Tüm Rusya Sambo eğitim kampı başladı
Birleşik Rusya’nın girişimiyle, Sovetsky ve Pokachi (Khanty-Mansi Özerk Bölgesi) sakinleri hızlandırılmış sağlık muayenelerinden geçti